MPCC hian CAA chu sakhaw tih bik neia khua leh tui nih theihna tur a ni tih sawiin, hei hi ram danpui duangtute rilru nena inmil lo, secularism kalh tlat a nih avangin Congress party chuan theihtawpin a dodal a. A kalphung leh a thil tum a \hat loh miau avangin Mizoram a huam emaw, huam lo emaw Kristian-te tan engti kawng maha thlawp chia an ngaih loh thu an sawi.
Hetianga BJP-in Hindu lal ram din an tumna thil MNF party-in thlawp a, theih tawp an chhuahpui ta mai hi Mizoram chanchinah leh political history-a thil la awm ngai lo a ni tih sawiin, MPCC chuan, Mizorama CAA dodaltu apiang MNF hmelma a an ngai ringawt mai leh CAA dodaltu mimal leh zirlai pawlte, \halai intelkhawm thlenga MNF-in nasa taka an beilet duh zel mai chu a mak a, hnam leh sakhaw pawi sawina dik tak, ngaihdam theih loh a ni, an ti a.
Hetiang a nih chuan BJP in Hindu lal ram din tuma hmalak an tumna pakhat, hnam leh sakhaw tihdan hrang hrang nuai bo a, kalphung inang veka kal tir an tumna Uniform Civil Code pawh MNF hian an thlawp duh zel ang tih a hlauhawm avangin Mizoramin Village Council, Municipal Council leh AMC inthlan a hmachhawn turah pawh Hindu lal ram dinna atana theihtawp chhuahpuitu MNF party hi Mizoram mipuiin an hnawl a, an paihthlak ngei a ngai a ni, an ti.
