He thu hi vawiina an Party chhung inkhawmah sawiin Pu Lal Thanhawla chuantunah hian Assembly inthlanna neih turah an Party chuan Candidate a siamfel mek tih a sawi a, Candidate nih tum zingah chang lo turte, Candidate atana beisei loh chang tur si te an awm dawn a, MLA ni lai zingah pawh candidate chang lo tur an awm a ngai mai thei tih sawiin, hemi atana an hotute remruatna siam chu pawm thiam turin an Party hruaitute a ngen a ni.
Pu Lal Thanhawla chuan, amah chu Mizorama Politician beih tawk nasa ber zinga mi a nih thu leh thubuai pawh ngah ber pawl a ni tih sawiin, a chang chuan zah rum rum chang leh Biak Ina inkhawm zah deuh chang pawh a nei \hin a, hetiang a nih lai pawha nghet taka an Party tana ding \hin a nihna chuan tun dinhmun hi a hruai thleng niin a sawi.
Pu Lal Thanhawla chuan, tunhnaia an hotu \henkhatin an Party an chhuahsan chungchangah President a nih anga mawhphurtu nia inngaihna leh nuam lo tihna a neih thu a sawi a, hetihrual hian tun hnaia an party chhuahsantute chu duhsak taka an enkawl leh mawhphurhna lian ber ber an pek an nih avangin an duh vanga chhuak ni maia a ngaih thu leh an Party tan lung lova lak chi nia a ngaih loh thu a sawi. MPCC President chuan, tun hnaiah mi \henkhatin an party chhuahsan mah se, an boruak chu a \ha telh telh thung niin a sawi a, tuna boruak \ha tak an neih chu a tichhetu ni lova, vawnghimtu nih tum \heuh turin a chah a, mihring nih chhung chuan duh tawk a neih theih lova, Lalpaah lawmna zawn a ngai a, an member-te pawhin an beisei ang malsawmna dawng vek lo mah se, Congress party an vote avanga Mizorama malsawmna tam tak thleng mek chu lawmna tham a tling tih hre turin a chah bawk.
He inkhawm hi MPCC General Secretary, Pu C. Chawngkunga’n a kaihruai a, Social Welfare Minister, Pu PC Lalthanliana pawhin thu a sawi a ni.
