MPCC President Pu Lal Thanhawla chuan inthlan an hmachhawn a, an inbuatsaih zel a, mipuiten chhuan lo la kal zel tur atana hnam ro tling siamtute hi tunge tih leh mipuiten hun an pe chuanga hnam ro tichingpen \hin tute hi tute nge tih ngaihtuah chungin vote thlak se a duh thu a sawi.

He thu hi vawiin a Congress Bhavan-a an Party chhung inkhawmah sawiin Pu Lal Thanhawla chuan Bairabi thleng r>l an luh tir a, Bairabi a\ang Sairang, Sairang a\anga Bangladesh nena insumdawn tawnna tur atan Kawrpuichhuah thlenga r>l kawng sial turin hma lak mek a nih thu leh thlawhna \umhmun pawh chhimlamah buaipui mek niin a sawi. Tuirial HEP tichhetu te, Referral Hospital tichhetu te hi an vote leh a nih chuan kum 10 chhung hma sawn thei lova awm leh a hlauhawm hle a ni, a ti bawk. Congress Party zawm thar ta Pu L.T. Hrangchal pawhin lawmluh a nih hnuah thusawiin Hmar hovin Political demand neiin sorkar an nawr a, HPC te leh sorkar inbei a nih rualin amah pawh Hmar hnam ni mah sela sorkar hnathawk a nih avangin HPC(D) umtute zingah pawh a tel thu leh, Sorkar leh HPC(D) te inremna-in MLA te hial neih ve a ngai nia an hriat vanga Congress Party zawm ta a nih thu a sawi. He inkhawmah hian Congress Party Nomination Committee Secretary Pu K.S.Thanga chuan MPCC Party Official Candidate te chu tun kar Ningani chawhma dar 11-ah Lal Thanhawla Auditorium-ah an puan tur thu a sawi bawk. Inkhawm hi MPCC General Secretary Pu C. Chawngkunga’n a kaihruai a ni.