Tukin dar 7 vel khan Muallungthua Presbyterian English School building a kang a, school building bakah bungraw chi hrang hrang cheng nuai 13 leh sing sarih hu vel a kangchhia. Kangmei chhuak hi hriat a nih veleh mipui pungkhawmten tui hmangin an \helh a, in dang kangkai lovin an \helh mit thei a ni. He kangmei chhuak avang hian thi leh hliam an awm lova, school naupang kg a\anga pawl 10 zirlai mi 345 te chuan kalna tur school an nei ta lo a ni. Kohhran hruaitute hnen a\anga thudawn danin he kangmei hi Principal Room leh Office hnathawktute \hutna bul vel a\anga chhuak \an a ni a, hun reilote chhungin Class room pathuma \huthleng leh chair te a kangkai a, office-a computer set thum, almirah, \huthleng leh school bungraw dang bakah zirlaite lehkhabu tur leh uniform te he kangmei chhuak hian a man kai a ni. He school hi a chhuat lei cement-a zut, a bang brick, a chung rangva a ni a, kangmei chhuak hi electric kalsual vanga chhuak ni lova hriat a ni a, he school-ah hian kar hmasa thawh\anni pawh khan hal tumna niawma hriat lehkha kang mit leh hmuh a ni. He kangmei chhuak chungchangah hian school hotute chuan Kulikawn Police Station-ah FIR an thehlut a, Police te chuan thil thlen dan an chhui zui mek a ni.
