Dr K Beichhua hian Aizawl chu khawpui \hang mek a nih avangin mipui eitur sa thianghlim mamawhna a sang zel tih a sawi a, ran talhna in hmang \angkaitu an pun zel avangin bawlhhlawh a siam sawngbawlna changtlung zawk ngaihtuah a \ul tih a sawi a, ran talh tur thlun khawmna hmun zau zawk pawh ruahman a nih tur thu a sawi.
Ah&Vety Joint Director Dr Lalnuntluanga Colney chuan ran talhna in panna kawng thawmthat te, ruahtui khawlna tur siam te leh bawlhhlawh hal ralna, Incinerator leh bawlhhlawh sawngbawlna changtlung zawk bun a \ul thu Dr K Beichhua hi a hrilh a, Salem Veng Local Council member te pawhin ran talhna in a\anga bawlhhlawh chhuakin khawtlang tan harsatna a thlen loh nan \ha zawka sawngbawl an duh thu an lo thlen a ni.
Kum 2018, April a\anga 2019 March thleng, kum khat chhungin ran talhna in, Rural Slaughter House, Mualpuiah hian ran 7,730 talh a ni a, kumin April a\anga October thla tawp thleng khan ran 4,077 talh a ni tawh bawk.
Kum 2013 a hawn tawh, ran talhna in hi cheng nuai 412 senga sak a ni a, nikhatah vawk 100 leh bawng 100 talh theihna tura ruahman a ni a. he hmuna ran talh turte chu a hriselna endik vek a nih hnuah sa hrilsel a ni tih finfiah chauh zawrh chhuah phalna pek \hin a ni.
