MUCO Bank-in Special Daily Deposit Scheme hmanga an hnena pawisa dahte sum a lak khawmna tur khawl, Daily Collection Machine chu Collector-te hnenah he Bank Chairman, Pu R Liantluanga’n vawiin chawhnu khan a hlan. Hemi puala inkhawm tawi, MUCO Bank Board Meeting Room a neih hi Bank Chief Executive Officer, Pu James Hruailiana’n a kaihruai a, Pu R Liantluanga chuan, tun hmain ni tina an Bank-a pawisa dahtute leh a khawntuten pawisa dah chungchangah inhmuh thiam lohna an nei fo thin tih sawiin, pawisa dah ngei nia inhre si, a khawntuten an lehkhabua an ziah luh loh awm thin nia hriaa inhnialna awm thin chu a awm tawh dawn lo niin a sawi. MUCO Bank hian Special Daily Deposit Scheme atangin nikum chhung khan Rs. 32,40,00,000 vel a khawn chhuak a ni.
