Mumbai khawpui chhim lama Bhendi Bazar-ah in pakhat a chim avangin mi 16 an thi a, mi dang 20 vel an hliam. He in, chhawng ngaa sang hi tukin dar 8:30 vel khan a chim ni a, police hotu pakhat sawi danin, mi 4 chhanchhuah an ni tawh a, in chimin a delh, mi 60 vel an la awm nia hriat a ni. Bhendi Bazaar-a in chhawng chim chhan hi hriat la ni lo mah se, police-te chuan Thawhlehnia Mumbai-a ruahpui vanawn sur vang kha a nih an ring a ni. He in hi a hlui tawh deuh nia sawi a ni a, chhungkaw 9 an cheng a, a awmna hi hmun chêp leh zim tak a ni a, a bula in dang pawh kum za chuangte a ni tawh hlawm niin an sawi. A bul hnaia in thenkhat chu tihruah nghal a ni a, a kawt a zim avang leh, chet vel a harsat avangin chhanchhuahna hnathawh pawh a buaithlak hle a ni. National Disaster Response Force atang pawhin mi 45 tirh an ni.
Chanchin Thar Mumbai-a building chimah mi 16 thi
