Mifirfiak pawl Lashkar-e-Taiba hotupa, Hafiz Saeed hian Pakistan-ah firfiaka chetna thubuai 23 a nei a ni. India-in Saeed-a lakah hian firfiaka chetna thubuai ziaklut mahse Pakistan-ah hian zalen takin a khawsa, India dodalna kawngzawhte huaihawt mahse man a pumpelh zel a ni.
Tun thlatir lam khan Pakistan hian firfiaka chetna hmanga ram leh ram inkara buaina chawk chhuakah puhin Hafiz Saeed lakah hian thubuai a ziak lut a ni. Pakistan Counter Terrorism Deptt.-a Punjab Police te chuan mi firfiakte sum hman dan leh pawisa dik lo taka hman chungchangah dan bawhchhiaa puhin FIR an thehlut bawk a ni.
Kum 2017 khan Hafiz Saeed leh a \huihruaite chu Pakistan sorkarin a lo hreng tawh a, amaherawhchu thla 11 an tan hnuah Judicial Review Board of Punjab-in an tan hun chhung a pawhsei duh loh avangin chhuah zalen an ni.
Kum 2008 November thla khan Hafiz Saeed-a hmalaknain Lashkar-e-Taiba mi firfiak pawlte chuan Mumbai an bei chiam a, ni 4 chhung bomb leh silai hmangin an bei a, mi 174-in nunna chanin mi 300 chuang an hliam a ni.
US chuan Pakistan chu he inbeihnaa mawhphurtute chu zawng chhuaka, na taka hrem turin a hriattir a, anmahni man kawnga puitute hnenah US dollar maktaduai 5 pek a tiam bawk a ni.
