Mumbai khawpuiah cheng 2000 note lem, cheng 7,56,000 hu leh a neitu man

Revenue Intelligence Directorate thuneitute’n Mumbai khawpuiah cheng 2000 note lem, cheng 7,56,000 hu leh a neitu an man a, pawisa lem hi Bangladesh atanga tawlh ruk a nih rin a ni. DRI thuneitute chuan an thu dawn bawh zuiin, cheng 2,000 note neitu, kum 36 mi awmna in chu Mumbai-a veng pakhatah Nilaini khan an dap a, a bungrua an endiknaah cheng 2,000 note, 349 vel an hmu a, hei hi ngun taka an en fiah hnuah a lem a ni tih an hria a, hemi hnu hian Bengaluru khawpuia a chenna in dap lehin, tangka note lem cheng 58,000 hu an man leh a ni. DRI thuchhuah sawi danin, cheng 2,000 note lem hi Bangladesh ramri bula awm, West Bengal-a Islampur-a a thurualpui hnen atanga a dawn nia hriat a ni.