Maharasthra-a Mumbai leh Thane khawpuia ruah sur nasa vanga chhiatna thlengah mi 5 an thi tawh a, tui lian avangin mipuite’n harsatna namen lo an tawk a, khawsak phung a buai nasa hle. Press Trust of India sawi danin, nizan khan Mumbai-a chenna in pakhat a chim avangin mi 3 an thi a, Thane-ah pawh mi pahnih an thi a, mi dang 2 an hliam bawk. National Disaster Response Force hnuaia pawl 5 chu chhanchhuah hna thawk tura tirh chhuah an ni tawh a, lawng sipaiten ruah sur avanga Colaba, Worli leh Ghatkopar-a tangkhangte tanpuiin, khawsak lailawkna tur camp bakah eitur semna hmun an buatsaih nghal a, rikrum thila che chhuak tur, tui thiamte leh thlawhna inring renga dah an ni bawk. Nimina Mumbar leh a chhehvela ruah sur kha ruah sur dan pangngai aia a let 30 vela nasa ni-a sawi a ni a, ruah sur avang hian motor a che thei lo a, traffic pawh a jam nasa hle a, mipuite chu an motor kalsanin ke-in an haw hlawm a ni.
Chanchin Thar Mumbai leh Thane-a ruah sur nasa vangah chhiatna thlengah mi 5 thi...
