Vawiin Assembly rorel inkhawm zawhna leh chhanna hunah Pu C Ngunlianchunga chuan Mumbai-a nurse thawk \hin sawn chhuah a nih avanga cancer natna avanga Mumbai pantu damlo ten harsatna nasa tak an tawh thu sawiin nurse hi dah leh thuai theih a ni dawn em tih a zawt a, GAD changtu Chief Minister Pu Zoramthanga chuan Mumbaia thawk tur hian a thawk duh mai bakah \awng thiam te dap tel a ngai a, sorkarin hma a la mek a ni tih a sawi a. Health Minister Dr R Lalthangliana pawhin Mumbai Mizoram House-a Nurse transfer tak chu Health Dept in a rawih a nih loh thu leh GAD lamin contract anga an rawih anih zawk thu a sawi a, Speaker Pu Lalrinliana Sailo chuan Health Dept in a rang lamin nurse dah tur lo dap se tih rawtna a siam a ni. Hetianga zawhna leh chhanna huna sawi chhuah a nih a\anga darkar 5 ral hmain Mumbaia thawk tur hian Male nurse, Edenthar Lalhuanmawia chu appointment pek a ni ta tih Speaker Pu Lalrinliana Sailo chuan rorel inkhawmah vek hian a puang nghal a. Speaker hian Chief Minister leh Health Minister te an inrawn nghal nia a lan thu sawiin, House-a thil sawi chhuah rang taka bawhzui a ni chu lawmawm a tih thu a sawi a ni.
