He dan thar hi pass a nih chuan Triple Talaq hmanga an nupui \hentute chu kum 3 thleng lungin tan tira hrem theih an ni dawn a, eptu pawl, congress kaihhruai lamin he dan thar hi an duh lo a, sorkar chuan supreme court in triple talaq hi ram danpui kalh a ni tih a lo sawi tawh avangin dan thar hi siam a ngai a ni an ti thung.
He dan hi sawi ho turin Law Minister Ravi Shankar Prasad a’n a putluh veleh eptu pawlte chuan joint select committee dina a zirchian hmasak phawt an ngiat a, Congress MP te chuan sorkar chu sakhaw thilah a inrawlh tur a ni lo tih an au chhuahpui a ni.
Law Minister Ravi Shankar chuan Triple Talaq hi Supreme Court in ram danpui kalh a nih thu a puan tawh avang leh a khapna dan siam tura parliament ah a thlen tawh avangin dan thar hi siam ngei a ngai a ni a ti a, congress member Sushmita Dev chuan supreme court hian Triple Talaq hi dan bawhchhiatna a ni a ti lo a, salkhaw danga inlet an awm pawhin hremna dan a awm lo a, Triple Talaq Bill hian Muslim hmeichhiate humhim chuang si lovin, Muslim mipa te hrem theihah a chhuah satliah mai dawn a ni a ti thung.
September thla khan sorkar chuan ordinance hmangin triple talaq hi dan bawhchhiatnaah a lo siam tawh a, August thla khan Supreme Court chuan Triple Talaq hi Islam sakhaw kalphung kalh leh ram danpui kalh a ni tih sawiin, Islam sakhaw tihdan phung pangngai nia sawi awm chu thu dik lo ani tih a lo sawi tawh a ni.
