Kai hmuh chhuah thar mi 15 zinga mi 13 te chu Kwekabaw Private Hospital-a nurse pathumte hnen a\anga kai an nih rin a ni a, West Gyogone ward-ah nurse te nen an awmho nia sawi a ni. Hri kai thar finfiah zinga mi 2 chu Tarmwe mi an ni. Tun dinhmunah Myanmar-ah hian mi 176 hri kai an awm mek a, mi 6 an thi a, mi 62 enkawl dam an ni tawh a, January ni 31 a\anga nimin thleng khan mi sing 10,064 endik an ni tawh tih health ministry-in a sawi. Yangon chu Myanmar-a Covid-19 kai awm tamna ber niin, mi 142 kai an awm a, chung zingah chuan an rama rock star lar tak, Myo Gyi pawh a tel a ni.
Hetihlai hian sorkar chuan factory 600 chuang chu hnathawk turin a hawng leh tawh a, Industrial Zone Management Committee Secretary, U Ye Win Aung chuan factory lian tak tak 1,000 velah coronavirus \aidarh tur ven kawnga an hmalak dan enfiah a ni tawh tih a sawi a, tunah hian hnathawktu 10 vel bawr leh a aia tlem awmna hmunte enfiah leh mek a ni tih a sawi a, Coronavirus vanga factory inhawng reng an awm laiin factory \henkhat, tun thlenga hnathawk tura la inhawng thei lo engemawzat an la awm tih a sawi.
Mandalay-ah hian factory sang 8,131 a awm a, mihring cheng maktaduai 4 vel an awm mek bawk.
Yangon-ah chuan factory 2,600 awmin chung zingah 850 chauh tun thla ni 1 a\ang khan hawn phal a ni a, a dang zawng chu tun thlengin an la khar a ni.
