An Preisdent Pu B. Vanlaltana hova executive committee vawiina thukhawm chuan tun hnaiah department thenkhat officer, pension rawih nawn an awm nia an hriat thu an sawi a, pension rawih nawn chu thangthar lehkhathiam zawk te leh an hnuaia mite kaisanna tur dalna a nih avangin tun hma atanga an dodal reng a nih thu an sawi a, tun tuma pension rawih nawn awm pawh a tul anga bawhzui an tum tih an sawi.
MZP chuan, hrileng vanga Myanmar-a India khua leh tui tangkhang mi 200 vel awm mekte an rawn haw theih nan sorkar chu hma la tura an duh thu an sawi a. Zofa hnam peng hrang hrang te insuihkhawmnaa atana khawmpui lian an buatsaih thin ZOFEST chu hri leng reh hunah Myanmar-ah buatsaih an rel a, a bawhzuitu tur Organising committee an din nghal a ni.
MZP puala hla inphuah siaka a ti tha zualte Executive meeting ah hian puan a ni a, K. Lalhmahruaia phuah “Kan chhuang zel dawn’ tih te, B. Malsawmkima phuah, “Changrel sual lo MZP” tih leh Benjamin Lalthlamuana phuah, “Tanrual hi Chakna a ni” tih te chu lawmman latute an ni.
