An President Pu L. Ramdinliana Renthlei hova Chief Minister Pu Zoramthanga hmutu MZP hruaitute hian India rama Medical College te chu Medical Council of India(MCI) hnuaia awm vek an nih thu leh MCI beisei ang leh duh dan phak lo college te chu an permission tih tawp sak \hin an nih thu te Chief Minsiter hnenah hian sawiin, hmun danga Medical College te chu mahni-a ro inrel leh thu neihna hran, Autonomy neia society anga din \hin an ni an ti a, Mizoram in Medical College a neih ve chhun pawh Society hnuaia daha, amaha inrelbawlna hrang neia awm tura ruahman fel a ni tawh a ni an ti a, hetihlai hian mi\henkhat thuneihna neih ve duh mi tlem tein he dinhmun hi duh lovin zirchianna te an nei mek nia an hriat thu Chief Minister hi an hrilh a, Medical Council of India duh dan tihlawhtling turin hun tiam neia thil tih ngai tam tak a awm \hin avangin Society anga a nihna ang taka hnathawk theia dah thuai an duh thu an hrilh a ni.
MZP sawi danin, Chief Minister Pu Zoramthanga hian Zoram Medical College Autonomy chungchangah hian Sorkar in thutlukna a la siam lo tih leh an zirchiang mek tih a lo hrilh a ni.
MZP hruaitute hian Mizoram leh Assam ramri chingfel tura hmalak thuai an duh thu te, Mizoram Youth Commission Chairman nei lo a a awm chu \ha lo an tih thu te, Lok Ayukta a nih tur anga tih puitlin an duh thu te an thlen bawk a, heng te hi Election Model Code of Conduct huam chhung a zawh hnua sorkar in a bawhzui tur a nih thu Chief Minister hian a lo hrilh a ni
