Naktuka Krismas lo thleng tur inpuahchahna chuan a vawrtawp a thleng ta a, vawiin khan Aizawl Bazar pawh ni dang zawng aiin a lun zawk. Zonet palaiin Aizawl Bazar chhung hmun hrang hrang a fankualnaah Bazar hi ni dang zawng aiin a lun zawk a, sumdawngte chuan kumin hian inhralh har viau mah se, vawiin kha chuan ni dang zawng aiin inhralh a nuam zawk niin an sawi a. Chawhmeh zuarte pawhin, vawiin hi thawh\anni ni mah se, ni dang zawng aiin chawhmeh an hralh tam niin an sawi a, naktukah Krismas chawlh hman \an a ni ang a, a tuk leh lamah ruai\heh chawlhin a chhunzawm dawn avangin chhung tinte chu an inlei duham deuh nia an hriat thu an sawi. Sa chi hrang hrang zuarte pawhin ni dang zawng aiin sa an hralh tam niin an sawi.

Aizawl Bazarpui enkawltu Commerce and Industries Department hnuaia Commerce Wing hotute chuan, vawiin khan nidang zawng aiin Bazar hi a tawt nia an hriat thu an sawi a. No Vehicle Zone siam a nih vang piah lamah Bazar tura kal hi an tam hrim hrim nia an hriat thu an sawi. Kum danga tih \hin angin kumin hian Bazar chhungah mipuiin harsatna an tawh thulha \anpuitu tur, Police Help Desk siam \hin chu siam ni tawh lo mah se, buaina leh harsatna thleng a awm mang lova, mipuite chu thlamuang takin an Bazar thei a ni. Market Office enkawltute chuan, tun thla ni 18 khan Bazarah mi pawisa ruk hmang hmeichhe pakhat an man thu leh hemi hnu hian Bazar chhehvelah thil bo a tlem phah hle nia an hriat thu an sawi a, a tlangpuiin kumina Krismas Bazar chhehvelah kum dang zawng aiin thil bo a tlem niin an sawi a ni.