An pawl President, Pu Malsawmtluanga Hauhnar hnen a\anga Zonet thudawn danin, Health Minister hnenah hian July thla a\anga hlawh an lak loh pe thuai tur te, pay 7-na rawtna anga hlawh an lak theih nana hmalakpui tur te, NHM hnuaia kum 10 lo thawk tawhte chu State sorkar hnuaia a ngheta an luh theih dan ngaihtuah tur leh earned leave an khawl ve theih nan hmalakpui turin an ngen a. An inkawmnaah hian Pu Lal Thanzara chuan tunah hian NHM hnuaiah Infrastructure Maintenance atan cheng nuai 239 hmuh a nih thu leh hei hi thil danga hmang lova an hlawh atan hman a nih tur thu an hruaitute chu a lo hrilh a. An thilphut dang kum 10 lo thawk tawh a ngheta dahte, 7th pay anga hlawh lak leh earned leave khawlte chu a tihtheih piah lam a nih avangin sorkar hotute a lo sawipui tur thu a hrilh a, an hlawh chungchang hi vawiin chawhnu dar 1 khan NHM Mission Director leh mi pawimawhten an ngaihtuah nghal tur thu a lo hrilh a ni.
NHM Contractual Association Mizoram hian an thilphut hrang hrang tihhlawhtlin nawr nan nimin a\ang khan Badge dum bel chungin hna an thawk a, an tum lawk angin tunkar chhung zawng hetiang hian hna an thawk dawn tih an sawi.
