National Students’ Union of India, Mizoram State pawhin sikul kai a theih loh laia zirlaite thla tin sum chawi tur la lak a tum thu Mizoram Independent Schools Association-in a puang chu ngaihtuah nawn se an duh tih an sawi.

NSUI Mizoram hian, Covid 19 vanga inkharkhip chu mipuiten kawng hrang hrangin an tuar a, ni tin eichawp dapte tan pawh Sum thawk chhuak tura hnathawh theih a nih loh avangin mi tam takin harsatna an tawk a ni, an ti a. Hetiang a ni chunga MISA-in zirlaite thla tin sum chawi tur lak an tum chu ngaihtuah nawn a, midang tan an lo in pek tawhna te zawma sum lak an tum chu \hulh turin an ngen a. Hemi chungchangah hian Mizoram Sorkar pawh ngawi mai lova, mipuite phurrit chhawk zangkhai zawnga hmala turin an phut a ni.