Stoltenberg chuan August ni 2 chu an indawr tawp hun tur a ni a, hun tiam chhunga Russia a ngawih reng chuan uluk tak rah chhuah ngei tura hmalak a ni ang a ti.
Kum 1987 khan US leh USSR hian nuclear missile chungchangah inremna thuthlung an lo ziak tawh a ni.
US President Donald Trump chuan Intermediate Range Nuclear Forces INF inremna hi US chuan a zawm dawn tawh rih lo tih puangin, Russia chu he inrem bawhchhiaah a puh a ni.
Russia erawh chuan Trump-a puhna hi a pha ve thung a, hemi hnu lawkah he inremna hi an zawm tawh rih dawn lo tih puang zuiin ralthuam thar siam tura hma an lak thu pawh a puang nghal a ni.
Stoltenberg chuan Russia-in missiles a duan te hi inremna thuthlung bawhchhiatna, nuclear ralthuam pai thei, hun rei lote chhunga Europe khawpui zawng zawng kap thleng thei tur a ni a ti a, hei thil hi a namai lo hle tih sawiin, Intermediate-Range Nuclear Forces inremna thuthlung chu kum 10 liamtaa sipai inthununna atana thil pawimawh tak a ni a, thuawih taka hun tiam chhunga Russia a inlamlet a \ul a ni a ti a, engmah hmalakna hmuh tur a awm loh avangin INF inremna thuthlung tel lovin, Russia ralthuam hmachhawn thei turin khawvel a inbuatsaih a ngai tawh dawn a ni a ti.
