Naupang kum 12 hnuailam pawngsualtute thi tura an chung thu rel theihna tur, The Criminal Law (Amendment) Bill, 2018 chu vawiin khan Lok Sabha-ah put luh a ni.

Bill pharhtu, Union Home Minister, Kiren Rijiju chuan tunhnaia naupang pawngsual thu hriat tur awm fo chuan ram a nghawng nasa hle niin a sawi a, naupang laka hetiang pawikhawihna rapthlak tak thlentirtute chu na zawka hrem ngei tur an ni a ti. Puan tawh angin he bill hi Parliament-ah pawm a nih chuan kumin April ni 21 a\anga hman lailawk, Criminal Law (Amendment) Ordinance aiah hman a ni ang a, dan thar ang chuan kum 12 hnuai lam hmeichhe pawngsuala thiam loh changte chu tihhlum theih an ni ang a, kum 16 chin hmeichhia pawngsualtute hremna chu kum 10 a\angin kum 20-ah tihsan a ni a, dam chhung tang tura pawhsei theih a ni bawk a, hei hi damchhng tak tak a ni tawh dawn a ni. Hei bakah hian hetiang pawngsuala inpuhna reng reng, a rang thei ang bera chhui nghal zel tawh tur a ni dawn a, dan thar hian thla hnih chhungin pawngsual thubuai chinfel a phut dawn a ni.