Jammu Kathua hmuna hmeichhe naupang, kum 8 mi pawngsual rawn thu-a a mawhphurtu bera puh Sanji Ram chuan hmeichhe naupang rukbo a nih a\anga a ni 4 na-ah pawngsual a nih thu hi a hria tih Police te a hrilh a, pawngsualtute zingah a fapa a tel ve avangin hmeichhe naupang hi thah ngei a duh tih a sawi bawk. Hemi chungchang chhui chiangtu te chuan hmeichhe naupang hi January ni 10 ah rukbo a ni a, Sanji Ram fapa, kum tling lo chu a pawngsualtu hmasa ber a ni a, a hnu ni 4 January ni 14 ah an that zui a, a ruang hi January ni 17 ah ramhnuaiah hmuh a ni. Hmeichhe naupang kum tling lo pawngsual hmasa ber tu bakah hian Sanji Ram leh a fapa Vishal bakah midang panga te chu he thubuaiah hian inhnamhnawiha puh an ni a, he thil thleng rapthlak tak hian ram mipuite thin a \hawng nasa a, sorkar chuan naupang kum 12 chin hnuai lam pawngsualtute chu thi tura an chungthu hrem theihna tur Ordinance hmangin a puang zui hial a ni.
He pawikhawihna chhuituten PTI an hrilh danin hmeichhe naupang hi Temple pakhat, Devisthan-ah hr>n a ni a, he temple hi Sanji Ram-a enkawl lai a ni a, naupang rubotute hian helai hmun Hindu ho chen tamna hmun a\anga Gujjar leh Bakarwal mi leh sa awm ve te um chhuah a ni.
