Nepal ramah tui lian avangin mi 120 an thi tawh a, mi dang 35 vel chin hriat loha an awm bakah, hliam 39 vel an awm bawk. Tui lian hi Nepal chhim lama phai zawl, Terai bialin a tuar na ber a, Nepal Home Ministry sawi danin, tui lian hian an ram pum zaa 80 vel a nghawng a, district awm zawng zawng 75 zinga 29-in a tuar na hle a, sorkar pisa, zirna in leh in chhawng sang eng emaw zat a chhe tawh a ni. Nepal sorkar chuan tui lian tuarte hi chhawmdawlna leh tanpuina a pe tan tawh a, mitthi chhungte chu zangnadawmna, cheng nuai hnih theuh, in leh lo chante chu cheng 10,000 theuh a pe a ni.
Chanchin Thar Nepal-ah tui lian vangin mi 120 thi tawh
