Nepal hian map thar a tihchhuahah India nena inri-na, India ram huamchhung chi chu a ramria a rin luh tel avangin Foreign Ministry chuan vawiin khan Nepal sorkar a bia a, foreign ministry thupuangtu Anurag Srivastava chuan Nepal sorkar thil tih dan chu ram pahnihte inremna kalh a ni a ti a, Nepal chuan India din ngheh dan chu chiang taka a hriat avangin India thuneihna leh ramria a dikna chanvote chu zah sak turin a ngen a, ramri chungchangah hian inpalai tawnna chuan innghirnghona aiin rah \ha zawk a chhuah theih nan Nepal hruaitute lakah beiseina sang tak an nei tih a sawi.
Nepali hian Uttarakhand-a Lipulekh Pass chu kum 1816 khan British nen inremna siamin an ram chinah rinluh a ni a ti a, ram pahnihte hian ramri km 1,800-a thui an in\awm a ni.
Kum 1962-a India leh China an indo a\ang khan Limpiyadhura leh Kalapani hi India-in a veng char char a, tun thlengin India chuan heng hmun pahnih hi a enkawl zui a ni.
Lipulekh Pass-in China-a Kailash Mansarovar a pawhna kawng, tun thla ni 8-a hawn a nih khan Nepal chuan he kawng thar hi duh lovin a lo dosal tawh a. Foreign Ministry chuan he kawng hi India ram chhunga awm a ni a ti a, sakhaw hmun thianghlim tlawhtute tan kawng pawimawh tak a ni a ti bawk.
Hetihlai hian Nepal Prime Minister, Oli chuan India chu an rama coronavirus thehdarhtuah a puh a, India natna hrik chu China leh Italy aiin a hlauhawm zawk tih a sawi a ni.
