Pawisa bakah hian thil bo Report dang engemawzat a awm a, chung zingah chuan Mobile Phone 16, ATM Card 71, Driving License 20, Sana 1, voter ID 52, rangkachak \hi 5, Pendrive 1, Pan Card 20, Chabi 20, Aadhar Card 45, Passbook 7 leh Two Wheeler Document 5 a tel a, heng zinga engemawzat chu hmuh let leh a ni.
Hei bakah hian pawisa chhar New Market Office-a Report cheng 97,582 a awm a, thil chhar reng reng hi a neitu lam hun nghah \hin a ni tih sawiin, New Market enkawltu chuan, thla 2 thla 3 hnua ngaihventu awm lo chu a chhartute hnenah pek \hin a ni tih an sawi a. Pawisa chhar, a neituin an lam loh avanga a chhartu hnena pek chu cheng 9,585 a ni a, a neitu dik tak hnenah cheng 77,822 pek let a ni a, pawisa chhar Market Office-a la awm chu cheng 10,175 a ni. Thil dang chhar zingah Mobile Phone 4, ATM Card 15, Driving License 2, Sana 3, Voter ID Card 18, chabi 26 leh thil dang eng engemaw a awm bawk. Vawiin bikah pawisa bo a awm nual a, Wallet tibo mi 4 awmin, an pawisa hloh zat chu a vaiin cheng 20,030 a ni a, Mobile phone tibo mi 2 a awm a, Crock Siliper tibo pakhat awmin hei hi hmuh let leh nghal a ni a, hei bakah thil chhar New Market Office-a Report a awm nuala, chungte chu kawr 1, hmeichhe bag chhunga thawmhnaw engemawzat awm, mobile phone pakhat leh hmeichhe pheikhawk 2 a ni a, mobile phone leh hmeichhe pheikhawk 2 chu a neitu hnena pek let leh nghal a ni.
