NIA-in Mujahideen mifirfiak pawl mi 5 dam chhung tang turin hrem

Special National Investigation Agency NIA in kum 2013 Bodh Gaya hmuna bomb tihpuah thubuaia thiam loh a chantir Mujahideen mifirfiak pawl mi 5 te chu dam chhung lung in tang turin NIA court in a hrem. Special NIA Judge Manoj Kumar Sinha chuang heng mi panga, Imtiyaz Ansari, Haider Ali, Mujib Ullah, Omair Siddiqui leh Azharuddin Qureishi te hemna pek tur hi a puang a, May ni 25 khan thiam loh chantir an lo ni tawh a ni. Buddhist sakhaw hmun pawimawh leh biak zinna hmun Bodh Gaya ah kum 2013 July ni 7 khan bomb \hahnem tak tihpuah a ni a, nunna chan awm lo mahse, monk \henkhat tiamin mi tam tak an hliam a ni. Heng thiam loh chantir tak mi 5 te bakah hian kum tling lo pakhat chu Juvenile Court in thiam loh chantirin remand home-a kum 3 awm turin a lo hrem tawh bawk a, an vai hian kum 2013-a Patna-a bomb tihpuah thubuai pawh an awrh vek a ni.