Thenzawl a\anga thudawn danin, nikum chhung khan Thenzawl CHC-ah hian OPD-a inentir mi 5,620an awm a, heng zinga 397 te chu admit an ni a, Laboratory test 3,173 leh X-Ray 641 tih an ni a.
Damdawi in-ah hian mitthi 24 an awm a, chung zinga 14 te chu enkawl lai an ni a, a bak mi 10 te chu an admit hman loh, damdawi in panpui si te an ni a, thi zingah hian nausen 2 an awm a ni.
Nikum chhung vek khan Thenzawl CHC-ah hian nau piang 84 an awm a, chung zinga 35 mipa leh 49 chu hmeichhia an ni.
Thenzawl CHC ah hian tun dinhmunah Doctor 2 leh OST Centre-ah Doctor 1 an awm mek a, Thenzawl mipui mai bakah a chhehvel khua engemawzat ten an pan ber anih avang leh Aizawl leh Lunglei inkara khaw lian ber, lirthei chetsual thulha tlan luhna hmasakna a nih fo avangin Thenzawl CHC hi tih phuisui a \ul hle tih thu dawn a ni.
