Central YMA ruahmanna in Sihhmui lei bulah inkhuarin, YMA branch hrang hrang a\anga thawk chhuak mi tlawmngai ten Pu C Lalfakzuala hi an zawng a, tui a la tam avangin chet a harsa rih hle tih a hmuna kal zonet palai chuan a sawi. Lawngleng engine nei hmangin tui thiam bik ten tlawng lui leh a chhehvel hi an dap a ni. Sairang balu lakna kaiah pawh Sairang khawtlang mipuite inkulhin Pu C Lalfakzuala hi an zawng bawk a, helai hmun hi an chuanna maupum hman an lo mana hmun a ni a, Sairang dinthar lam pawh an veng kaiah an duty bawk.
Hetiang bawk hian tlawng lui mawng lam, Khamrang, Hortoki leh Bairabi lamah te pawh mi tlawmngai te thawk chhuakin Pu C Lalfakzuala hi an zawng bawk a ni.
Central YMA kaihhruaina hnuaiah naktuk a\ang chuan Pu C Lalfakzuala zawn hna hi YMA branch ten a inchhawkin an thawk tawh dawn a, Sihhmui kaiah hian mi tlawmngaite chu tlaivarin an inkulh mek a ni.
Pu C Lalfakzuala hi midang pahnih nen maupum hmanga Nghalchawm bul, Dialdawk kai Tlawng lui-a kai an tum laiin a chesual a, luiah a tla nia rin a ni.
