A nawlpuia zawn tawpna pual hian vawiin chawhnu dar 3 khan Tlawng kama a zawngtute innghahna hmun hrang hrangah inkhawm buatsaih a ni a, in nghahna hmun pui ber, Sihhmui kaiah chuan Presbyterian Kohhran-a Sairang bialtu pastor Lalzawmliana Varte in hunserh a hmang a, he inkhawmah hian Pu C Lalfakzuala fate 3 bakah an chungkhat laina hnai leh \henrual \ha te pawh an tel a ni.
Sihhmui kaia kharna inkhawm hi Central YMA Asst Secy Pu Peter Chhakchhuak in a kaihruai a, Vice President Pu Vanlalngheta’n Pu C Lalfakzuala zawnga thawk chhuak \hin mi tlawmngaite chungah lawmthu sawiin, mizo tlawmngaihna dai mai lova, a nung reng chu mizote tan a hlu takzet a ni a ti. Pu C Lalfakzuala u, Dr. C Lalzirliana chuan mi tlawmngai thawk chuak tha leh zung, sum leh pai sengtute chungah lawmthu a sawi.
Hmun hrang hrang pariatah in nghahna hmun siamin, Pu C Lalfakzuala hi zawn a ni a. Sihhmui kaia a zawnna pui berah hian mi thil phal leh zin vei vak te thawhlawm tlingkhawm chu cheng nuai 1 sing 7 chuang a ni a, heng te hi mibo zawngtute innghahna hmun dangah te sem darh \hin a ni. Pu C Lalfakzuala zawn anih chhung hian Police \hahnem tak chhun zan zawma duty tir reng an ni bawk.
