Asha Devi chuan Indira Jaising-i ngenna chu awih har khawpa mak a nih thu a sawi a, thubuai ngaihtuah laiin Supreme Court-ah \um engemawzat an inhmu tawh a, a hun tawn dan pawh zawt ngai si lova misualte ham\hatna tura hma a la zawk chu thil tisualtute hum tumna dik tak a ni a ti a, hetianga pawngsualtute hum an nih zel chuan pawngsual hian tawp hun a nei ngai dawn lo tih a sawi.
Asha Devi chuan ram pum mipuiten misual khaihlum an duh laia ngaidam tura rawtna petu Indira Jaising chu tunge a nih tih zawtin, a ni ang, misual hum duhtute vang hian rorelna dik a awm theih loh phah a ni a ti bawk.
Zirtawpni khan Indira Jaising hian Sonia Gandhi-i’n Nalini a ngaihdam ang khan Asha Devi-i’n a fanu pawngsualtute chu ngaidama khaihlum tir lo turin a ngen a, Asha Devi tawrhna chu hriatthiampui mahse, he thubuaiah hian politics a inrawlh avangin intihhlum kher chu a dodal tih a sawi a ni.
Pawngsualtute hi tun thla ni 22-ah khaihlum turin rel ni mahse, an chung zah ngaihna lantir tura dilna hun an la neih vangin February ni 1, zing dar 6-a khaihlum tura rel \hat a ni.
