|um engemawzat tih hlum an nih hun tur sawnhlat a nih hnuah khaihlum hun tura hun ruat hnuhnung ber chu Thawhlehni kha a ni a. An zinga pakhat Pawan Gupta chuan President hnena zahngaihna dil theihna a la neih avangin hei pawh hi sawn leh a ni a, President hian a dilna hi a hnawl leh takah chuan heng mi palite hian Dan hnuaia inhumhim theihna an neih zawng zawng an hmang zo tawh a ni. Delhi sorkar chuan heng mi te khai hlum hun tur hi ti chiang turin court-ah a dil leh nghal a, Court hian tun thla ni 20 zing dar 5:30 a khaihlum turin a ti a ni.
Khaihlum turte hi kum 31 mi Akshay Thakur, kum 25 mi Pawan Gupta, kum 26 mi Vinay Sharma, leh kum 32 mi Mukesh Singh te an ni a. Kum 2012 Decembeer ni 16 khan mi pali te hian Nirbhaya hi Delhi ah pawngsual rawnin nasa takin an nghaisa zui a, Nirbhaya hi Singapore Damdawiin pakhatah ah a hliam tuar lovin December ni 29 khan a thi a ni. Pawngsualtute zinga pakhat chu a hunlai khan kum 18 a la tlin loh avangin nun insiam \hatna hmunah dah a nih hnuah a zalen tawh a, an hotu ber Ram Singh chu Jailah a lo inawkhlum tawh bawk a ni.
