Pu L. Hmangaihzuala te \henawm hnaia awm ten in a kang tih an hriat meuh chuan a lo kang nasa hman tawh a, kang \helh pawl hriattir nghal ni mah se an \helh mit mai thei lova, a bul hnaia in dang kang kai tur erawh an veng hman a ni. Pu L. Hmangaihzuala te hian an in hi an luah tawh lova, amaherawhchu in chhungkhur mamawh bungrua an la dah vek a, an in bula an vawk vulh chu a kan hma-in mi \henkhatin an lo chhuahsak hman a ni.
Kangmei tuarte chhawmdawl dan tur ngaihtuahin tukin khan khawtlang hruaitute an \hukhawm a, Veng chhung mi tlawmngaite in kang bang senghawi hna thawkin an hnatlang a, Vairengte SDO (C), Pu Isaac Lalrempuia chuan in kang hi tlawhin Pu L Hmangaihzuala te chhawmdawlna tur a ngaihtuahpui dawn a ni.
