Hmarchhak biala zirlai pawl intelkhawm, North East Students’ Organisation (NESO)-in tun thla ni 8 leh ni 10-a Mizoram leh Assam inrinna bul Bairabi Zophai hmuna Mizo Zirlai Pawl leh Assam Police innawr buainaa ralthuam pawh keng lo zirlai leh chanchinbumite kutthlak an ni chu an dem thu an sawi a. Hetiang thil duhawm lo hi tun hnuah thleng nawn tawh lo se an duh thu leh he thil thlen chhanna a mawhphurtu Hailakandi District Magistrate leh Superintendent of Police chu hremna pek ngei an phut tih an sawi. NESO chuan Assam Police-in kut an thlak vanga hliam Mizo zirlai leh chanchinbumite leh bungrua leh thildang chhiate chu an phutawk zangnadawmna pek an nih theih nana hmanla nghal turin Assam Sorkar leh Mizoram Sorkar an phut a, hetiang thil duhawm lo hi a thlen tawh loh nan hmala tura an duh thu an sawi bawk. NESO ah hian All Assam Students Union tiamin, hmarchhak State 8-a zirlai pawl lian deuh deuhte an tel a ni.
