Seoul Joint Chief of Staff chuan North South Hamyong province-a tuipui kam chhak lam khaw pakhat a\angin heng thil pathumte hi an kap chhuak a, a thlawh san zawng chu km 50 a ni a, a thlawh thui zawng chu km 200 vel niin a sawi bawk.
Japan defence ministry chuan North Korea thil kahchhuah chu ballistic missile ang a tih thu a sawi a, an ram khawpui Tokyo huam chhungah chuan a tla lo tih an finfiah tih a sawi bawk.
Japan Chief Cabinet Secretary Yoshihide Suga chuan North Korea chet dan chu remna leh muanna te, an ram invenhimna te tihchhiat tumah a puh a, ballistic missiles tun thlenga a kapchhuak reng chu ramdangte nena an inpawhna a tihchhiat theih vangin thutaka lak a \ul tawh tih a sawi bawk.
