North Korea nen inremna tluantling an siam thei a nih pawhin America sipaite chu South Korea ah an la awmzui zel rih ang tih Sourth Korea sorkar in a sawi

North Korea nen inremna tluantling an siam thei a nih pawhin America sipaite chu South Korea ah an la awmzui zel rih ang tih Sourth Korea sorkar in a sawi. Kum 1953-a Korea ram pahnih indona tih tawp anih hnu a\ang khan South Korea ah hian US Sipai 29,000 vel an la ta zel a. North Korea hian US sipaiten South Korea an chhuahsan chuan Nuclear ralthuam a tih changtlun mek tihtawp vek a nih tur thu tunhnai khan a puang a ni. Hetihlai hian South Korea sorkar thupuangtu chuan US sipaite awm leh awm loh hian inremna thuthlung pease treaty ziah leh ziah lohah kawngro a su lo tih a sawi ve thung. Zirtawpni kaltaa South Korea President Moon Jae-in leh North Korea hruaitu Kim Jong-un te inbiakna ah khan nuclear ralthuam ti tawp tura hmalak leh Korea ram pahnih indona ti tawp famkim tura inremna Peace Treaty ziah anih thuai theihna tura hmalak an remti a ni. Kum 1953 Korea ram indona kha inkahhai thuthlung hmang chauha tih tawp a ni a, inremna puitling ziah a la nih loh avangin ram pahnihte hi la indo reng anga ngaih an la ni.