South Korea resettlement centre-a computer te chu internet kaltlanga luh chhuah, hack a ni a, tun \um thil thleng hi North Korea tlansantute chanchin rukchhuahna lian tham thleng hmasa ber a ni. Unification Ministry chuan hetianga computer khawih chingpentute hi tute nge an nih tih leh khawi hmun a\anga khawih nge tih finfiahna a la awm lo tih an sawi.
North Korea sorkar chuan an ram tlansantute hi mi engzatnge an nih tih leh tute nge an nih tih chhinchhiahna mumal a nei lo a, mi \henkhat chu mibo anga chhinchhiah leh mitthi anga chhinchhiahte an ni hlawm a, tuna mi 997 te nihna kimchang ruk chhuah a ni ta hian enge nghawng a neih dawn tih hriat la ni lo mahse, thil chinchang zirmite chuan North Korea-a an chhungte tan thil \ha lo a thlen palh an hlauthawng a ni.
