Congress hruaitu hlun, P Chidambaram chuan Gujarat Assembly inthlan lo awm turah, BJP te’n mipui thlem nana duh tawka thil an sem theih nana inthlan hun puang duh lo-ah Election Commission a puh. Finance leh Home Minister pawh lo ni tawh, Chidambaram chuan Gujarat leh Himachal Pradesh sorkar term tawp hun, chawlhkar hnih leka inthlau, inthlan hun a ruala an puang lo chu BJP duhsakna leh PM, Narendra Modi-a tlawn tumna niin a sawi a, Gujarat inthlan hun puan a nih loh avang hian BJP hian an duh tawkin, mipui hnenah thil semna hun an neih phah dawn niin a sawi bawk. Puan tawh angin Election Commission hian kar hmasa khan Himachal Pradesh Assembly inthlan hi November ni 9-a neih a nih tur thu leh vote chhiar ni tura ruat, December ni 18-ah Gujarat inthlan result pawh puan a nih tur thu a lo puang tawh a ni.
Chanchin Thar P Chidambaram-a’n inthlan hun puang duh lo-ah EC puh
