Pakistan Finance Minister, Ishaq Dar eiruk thubuai rip tak siam sak

Pakistan Finance Minister, Ishaq Dar-a chu vawiin khan anti-corruption court-in thubuai rip tak a siamsak a, Panama Papers thubuai a ngaihtuahna kal zelah Finance Minister hi a sum lak luhna nena inmil lo khawpa hausa-ah a ngai a ni. Minister chuan he thilah hian thiam lohna a nei lo nia sawiin, puh a nihna chu awmze nei lo niin a sawi. Tun thla ni 8 khan Pakistan rama hlemhletna thil chhuitu, National Accountability Bureau chuan Ishaq Dar-a hi hausa lutuka a ngaih thu a lo sawi tawh a, puan tawh angin, Supreme Court pawhin Pu Nawaz Sharif-a chu PM a nihna a\anga a bantir b^kah, amah leh a fate, a makpa thlengin ei r<k thubuai siamsakna tur thup>k a siam a ni. Vawiina Ishaq Dar-a chungchang ngaihtuahnaah hian boruak a sosang hle a, court-ah hian thuthar la khawmtute pawh an luh phal a ni lova, kawngka khar tlat a nih avangin Minister pawh hian minit 20 vel a nghak a, a hnung lam kawngka a\anga luhtir a ni. Minister chuan amah puhna thu, Accountability Court judge, Muhammad Bashir-a’n a chhiar chhuah chu a pawm loh thu sawiin, ngaihtuah a nih hunah a finfiahna nen engkim a tihlan tur thu a sawi. Ishaq Dar-a hi Sharif chhungkua nena rei tak lo thawk ho tawh a ni a, Dar-a fapa leh Sharif-a fanu, Asma Nawaz chu an innei nghe nghe a, kum 1999-a Sharif-a sorkar paih thlak a nih khan Dar-a hi lung inah khung a lo ni tawh bawk a ni.