Khualzin phur thlawhna zawng zawng tan Pakistan hian a ram chin boruak chu thlawh a phal leh ta a,
February thlaa Balakot-a Indian Air Force-in Jaish-e-Mohammed mi firfiak pawlte inkhuarhna an beih avang khan Pakistan hian a ram china thlawhna thlawh luh a khap a ni. Hei hian khualzin phur thlawhna ram pawna zin tur te a tibahlah nasa hle a, hemi vang hian Air India, SpiceJet, IndiGo leh GoAir te chuan dollar maktaduai 80 vel a hloh phah a ni.
Pakistan chuan tukin dar 12:41 khan a ram china thlawh phalna a tichhuak a, Air India chuan ram pawna thlawk turin Pakistan ram hi a thlawh pelh ngei ngei a ngaih avangin phalna an tihchhuah hi a zawm vat rin a ni.
Kumin February ni 26 khan India leh Pakistan chu nasa taka inepin Pakistan ram Khyber Pakhtunkwa biala Bakalot khuaah India-in bomb a thlak a, hei bakah hian indo thlawhna an inkahthlak sak bawk a ni. Khatihlai khan Pakistan sorkar chuan inrem tuma an beih laiin India-in tharum thawhin a bei hmasa tih a sawi a, an ram venghim tura beihlet chu an tih tur niin a sawi a ni.
