Hetih lai hian a hmaa Jaish-e-Mohammed hmunpui lalet anga a insawi chu mifirfiak pawlte nena inzawmna nei lo sakhaw zirna hmun a ni tih a sawi bawk.
India chuan Jaish-e-Mohammed leh a hotu Masood Azhar te chu Pakistan-ah an inkhuar tih hriat anih reng laiin Imran Khan-a’n finfiahna pek an nih hnua chhui a, hmalak nghal a inhuam thu a sawi chu chhuanlam mai a ni a ti a, Foreign Ministry chuan hma la turin hei hi finfiahna chiang tawka a ngaih thu a sawi.
Pakistan Foreign Minister Shah Mahmood Qureshi chuan Islamabad chuan inrem a tum laiin India chu indo chova buaina siamah a puh a, an inkar boruak \ang lutuk tih daih tumin Pakistan hian United Nations hnenah lehkha a thawn thu a sawi bawk.
