Eiruk thubuai nei mek, Pakistan PM hlui, Nawaz Sharif chu a awmna party, Pakistan Muslim League (Nawaz) hruaitu a nihna an ram Supreme Court-in a hlih sak. Pakistan court thuneitu sang ber chuan an political party hruaitute chu sorkar mi pawimawh an nih tel avangin, eiruk thubuai nei an awm tur a ni lo a ti a ni. Puan tawh angin Nawaz Sharif hi khawvel ram hrang hrang hruaitute sum chelek dan chungchang hailanna, Panama Papers-ah a hming a lan ve avangin chhui a ni a, a sum lakluh thenkhat a thup vangin PM a nihna pawh hlihsak a lo ni tawh a ni.
PMLN hian Nawaz Sharif thlak tur hian a unaupa, Pakistan Punjab CM, Shehbaz Sharif chu a ruat nghal a, an party inthlan lo awm turah, Party President nghet ni turin an thlan leh tur thu, an Party thupuangtute chuan an sawi a ni.
