Eptu pawl MLA 11 te chu Lam-i thusawi laia an au benchhen vang leh thuziak kenga buaina chawhchhuah an tum vangin security guard ten session hall a\angin an hnukchhuak a ni.
Hong Kong-ah hian sorkar laka hel vangin mipuiten lungawi lohna an lantir a, kawtthlerah kawng zawhin Police te nen an inkarah tharum thawha intihbuaina a chhuak nasa a, he buaina chhuak vanga mipui hliamte nen an inpumkhatna lantir nan eptu MLA te hian Parliament-ah pangpar var an keng a ni.
Security guard ten session a\anga an chhuah tir hnuah eptute hian Carrie Lam chu Chief Executive ni tlak a nih loh thu leh a nihna a\anga bang ngam tura an duh thu an auchhuahpui a ni.
Hetihlai hian Hong Kong-a mipui rorelna phuttu pawl lian bera an hruaitu Jimmy Sham chu mi 5-in tuboha a chhut rawn vangin hliam na tak a tuar a, damdawi inah hruai a ni.
Chief Executive Carrie Lam-i’n a thusawi a tihtawp hnu lawkah heng mite hian Jimmy Sham hi an bei nia sawi a ni a, an beihna hmun hi Mong Kok district-a Kowloon peninsula-ah a ni.
