PM, Narendra Modi-a’n Gujarat leh a chhunga chengte ngai thei lo-ah Congress party leh Gandhi chhungkua a puh a, state Assembly inthlan lo awm tura inkhinah a cho bawk. Pu Modi chuan Congress party chu chhungkaw mal kaihhruai a nih avangin thuneihna an chan loh ai chuan hruaitu \ha tak takte pawh sawi chhia leh nek chhuak \hinah a puh bawk a, kum 1977-a Emergency tihtawp a nih hnua Indira Gandhi hnehtu, Morarji Desai pawh, a hnathawhte leh Mahatma Gandhi-a hnungzuitu a nihna aia a ei leh in chungchangte sawi nuam ti zawk an nih thute leh, an party MLA, Bharatsinh Solanki pawh an party aia state a ngaih pawimawh zawk avanga an party a\anga hnawhchhuah niin a sawi a, sorkar laipui an kaihhruai laia Gujarat CM atana thlan tlin a nih pawhin lung-ina khung dan ringawt an ngaihtuah nia sawiin, Narmada luia hydel project siam tum pawh kum 50 dawn lai, bul pawh \an theih loh khawpa tikhawtlaiah a puh bawk a ni. Pu Modi-a chuan, Congress party hian anmahni-a hmasawnna thlen ai chuan, mi dang hnathawh sawisel leh hmasawnna thlen tawh sa te sawi hnâwn chauh an thiam niin a sawi a, tuna state assembly inthlan lo awm turah pawh hian BJP kaihhruai sorkarin hmasawnna an thlen tawh sa te sawi chhia-in bul an \an leh nia sawiin, Congress party hian hmasawnna nghet thlen tum zawnga hna an thawh ngai loh bakah, inthlan pawh hetiang lam hawi hian an chuh ngai lo niin a sawi bawk.
Chanchin Thar PM-in Gujarat leh a chhunga chengte ngai thei lo-ah Congress party leh...
