PM Narendra Modi-a’n Oman leh UAE ram hruaitute thu thlun pui

Gulf ram hrang hrang tlawha zinchhuak, PM Narendra Modi-a’n ram hrang hrangte thawhdunna tur thuthlung engemawzat a siampui. Pu Modi leh Abu Dhabi lal, Mohamed bin Zayed Al Nahyan-te hi inrinni khan an inkawm a, ram pahnih inkara insumdawn tawnna chu tha thawkhat-a an hriat thu an sawi a, civil thlawhna chungchang leh kawlphetha chungchanga thawhdunna tur-te an sawi dun a ni. Pu Modi hian tun tuma a zin chhunga a ram tlawh hnuhnun ber tur, Oman chu vawiin khan a thleng a, Oman lal, Qaboos bin Said al Said nen ram venhimna leh hriselna kawnga thawhdunna tur leh Tourism chungchanga thawh dunna tur thuthlung pariat an ziak a ni. Hemi hnu hian India mi, Oman-a chengte hmaah thu a sawi a, Muscat-a muslim biakin lar tak, Sultan Qaboos Grand Mosque leh Hindu biakin te a tlawh kual a bawk a ni.