Traffic SP, Pu C. Lalthanmawia chuan, tun kar Inrinnia PM, Pu Narendra Modi-a’n Mizoram a rawn tlawh dawn avangin hemi ni, zing dar 6 a\anga chhun dar 12 thleng, |huampui Helipad a\anga Treasury Square inkar, Bawngkawn, Chaltlang, Chanmari, Zarkawt, Dawrpui leh Zodin Square kawngpui sirah lirthei eng chi mah dah phal a nih loh tur thu a sawi a. Danin a phut angin PM hi zalen taka a chet vel theih nan motor tlan dan leh dah dan hi ruahman a ni tih sawiin, mipuite chu hrethiam tur leh Traffic hotute thupek zawm turin a ngen a ni. Zing dar 8 a\anga dar 11:30 inkarah helai kawngpuiah hian lirthei tlan dan tihdanglam a ngaih dawn avangin lirthei neitute leh hmangtute chu an tum lohna lamah tlantir leh, rei deuh tak dintir ngaih hun a awm dawn avangin hemi huam chhung bikah hi chuan lirthei hmang tam lo tura lo inhmakhua lawk turin Traffic Police SP chuan mipuite a ngen a. Motor chhia, kawngpui sira dahte pawh senghawi vek turin a neitute a hriattir bawk.
