Kum 1973-a nau tihtlak chungchang dan, Roe Vs Wade tia hriat hnuaiah hian nu nau paite chu kar 24 thleng nau tih tlak phalsak an ni a, kum 2016 khan Donald Trump-a hian a campaign-na-ah nau tihlak khapna dan siam a lo tiam tawh a, Supreme Court-ah conservative Neil Gorsuch leh Brett Kavanaugh te ukil atan a ruat bawk a, tun hnai hian Roe Vs Wade dan hi hnawl chhoh mek a ni a, Alabama, Missouri, Georgia, Ohio, Mississippi, Kentucky, Iowa leh North Dakota-ah te nu nau pai nunna a tiderthawng a nih loh chuan naute lungphu hriat theih chin chu tihtlak khapna dan siam a ni tawh a, nau hi tihtlak a nih chuan a ti tlatu doctor te chu kum 99 chhung lung in-ah an tang thei dawn a ni. Alabama leh Missouri bikah hian pawngsual vang emaw, chhungkhat laina hnai inkara sawn pai te pawh nise ngaihnathiamna pek an ni dawn chuang lo a ni.
Hemi chungchangah hian Trump-a chuan nau ti tla-a nunna lak chu a do tih a sawi a, amaherawhchu pawngsual vang emaw chhungkhat laina hnai inkara nau pai te leh nau paitu nunna tiderthawng thei ang chi te erawh a ngaihthiam thu a sawi a, Ronald Reagan-a nen ngaihdan an in\awm tih a sawi a ni.
Nau tih tlak khapna dan dotu te chuan sorkar inrawlhna tel lovin hmeichhiate chuan an mahni taksa chungah thu an nei tur a ni tih an sawi a, Alabama dan hi doin hmeichhiate dikna chanvo humhalhtute chuan lungawi lohna lantirin khaw 4-ah kawng zawh an tum a ni. Mithiamte chhut dan chuan hmeichhia nau ti tla te hi a chanve aia tam zawk chu mi rethei ber ber te an ni a, nau tihtlak khap a nih chuan nau ti tla an tlem phah dawn lo a, him lo taka nau titlak vanga thi an tam zawk dawn niin an sawi a, he dan kenkawhna tura sum sen aiin indanna tihchangtlun leh miretheite pawhin naupang an enkawl theih nan-a \anpui chu a \ul zawk a ni an ti.
