Rorellai party nen seat insem thuah leh an thawhpui dang Nitish Kumar-a te nena kum 2019 Parliament inthlanpui hmachhawn tura an inbuatsaih danah a lungawi lo a, Prime Minister Modi-a hnena lehkha a thawnah a thawhpuite chuan an bum niin a sawi.
Rashtria Lok Samata Party hotupa Kushwaha hian BJP bei turin Eptu party \anghote a zawm dawn nia rin a ni a, Prime Minister hnena a inhnuhdawh thu a thawn hma hian Congress President Rahul Gandhi nen pawh an inkawm a ni.
Sorkar laipuia Minister of State dinhmun luahtu Kushwaha hian ram danpui kalha cabinet mawhphurhna palzutah Prime Minister chu puhin, tun dinhmuna sorkar laipui kal danah Minister te chu engmah thuneihna nei loa siam an ni a, a hming chauha mawhphurhna chelhin, thutlukna reng reng sawihona pawh awm lovin Prime Minister duhdan veka siam a ni a ti a, Sorkar laipui chuan miretheite leh awpbeha awm mekte chhanchhuah lam ngaihtuah lovin, Politics-a an elpuite engtikawng zawng pawha nawr beh chu a tum bulpui ber a ni a ti bawk.
