Thlasik \hutkhawm hi kum 2019 Parliament inthlanpui neih hmaa session puitling hnuhnung ber a ni tawh dawn a, thlasik \hutkhawm urlawkna chikhat-a party hrang hrang aiawhte \hutkhawmnaah thu sawiin Prime Minister chuan dan dinglai ang zelin sorkar chu thil engpawh sawiho turin a inpeih a, parliament kalphung \ha zawk a awm theihna tura eptute rawtna te pawh dawngsawng turin sorkar chu a inpeih a ni a ti.
Parliamentary Affairs Minister Narendra Singh Tomar chuan MP rualte inhmuhkhawmna-a an sawiho tlangpui hi chanchinbumite hrilhin, eptu member te pawhin \ha taka rorel anih theihna turin sorkar thawhpui an inhuam thu an sawi a ni a ti. Thlasik \hutkhawma ngaihtuah tur hian sorkar chuan thil chi hrang hrang 46 a chhawp chhuak dawn a, heng zingah hian ordinance 3 a tel a, Supplementary Budget pawh putluh a ni ang. Thlasik \hutkhawm hian ni 29 chhung a awh ang a, rorel inkhawm chu ni 20 chhung neih a ni ang.
