Kum 43 mi Rima Bint Bandar hi Saudi lal chhungkaw mi, fa pahnih pawm, pasal \hen tawh a ni a, hmeichhiate dikna leh chanvo humhim kawnga thawktu, hmeichhe naupang te zirna chawikan tumtu leh hmeichhiate hnute cancer laka an him theihna tura beihpui thlaktu ni \hin a ni. Riyadh-a Harvey Nichols dawrah chief executive lo ni tawh \hinin sumdawnna lamah hnuhma a nei nual bawk a, ram palai nihna lamah tawnhriat nei lo mahse a tleirawl laiin US-a hun lo hmang tawh, sap\awng thiam tak leh America politics kalhmang hre tak a ni.
Journalist Jamal Khashoggi tualthah thubuai-ah US in Saudi Arabia a demna karah an ram hming ti \ha leh turin Rima bint Bandar hi Washington-a an palai turin Saudi Arabia hian a ruat a ni.
