Nimina an inkawm hona kaihruaitu ZPM Leader, Pu K. Sapdanga chuan, Mizoram mipuiin sorkar hmel thar an hmuh duh em avangin ZPM leh PRISM chu inthlan hunah tangho se tih rawtna leh nawrna a tam thu a sawi a, he rawtna hi engtia chhan tur nge tih sawiho \ula hriatna vanga inko khawm an nih thu a sawi a. Prism President, Pu Vanlalruata pawhin, an party chuan bial 10-ah candidate an puan tawh thu leh bial 31-ah candidate siam an tum thu a sawi a. Tunkar chho hian bial danga candidate puan theih an inbeisei laiin mipui nawrna zahawm an tih avangin thawhho dan kawng dap chhunzawm an duh a rin thu leh Prism chu party a nih avangin symbol kalsan lova thawh ho an duh a rin thu a sawi.
He inbiaknaah hian PRISM aiawhin President, Pu Vanlalruata leh General Secretary, Pu Lalrinzuala Chawngthu te an tel a. ZPM aiawhin ZPM Leader, Pu K. Sapdanga leh Sr. Vice Chairmen pahnih, Dr Kenneth Chawngliana leh Pu Vanlalhlana an tel a, tunkar chhunga inkawm chhunzawm ni se an ti a ni.
