Kharna inkhawma thusawiin PRISM President, Pu Vanlalruata chuan MNF sorkar thar kal dan chu a fuh lo \an niin a sawi a, Ministry thar an siam chu tun hmalama an tih dan ang thovin a thei zual leh an duhsak zawng lang ranin, a mawm leh mawm lo siam zawngin an kal leh ta a, sorkar hmasa hna sem tawh tihtawp chu an hna hmasa berah an nei a, hei hian sorkar \ha neih theihna tura nasa lehzuala hmalak a ngaih zia a tilang niin a sawi a, inthlan leh huna sorkar ngei tum tura \an la turin an party mite a fuih a ni. Pu Vanlalruata chuan Kristianna hi a \ha bik a ni tih hnamdangte hnena tihlan tum \ul an tih thu te, Zohnahthlakte inpumkhatna atan \an lak a \ul thu te, Mizoram chu ram nuam leh ralmuang, dik leh fel taka ro inrelna ram a ni tih tilanga, hnam dangten tlawh an chak khawpa siam \ul a tih thu a sawi bawk. He inkhawm hi an pawl General Secretary, Pu SL Ngursailova Sailovin a kaihruai a ni.
